صحيفة بللسمر - متابعات  

لاهان راس ٍ كاسي الطيب راعيه
شهم وعزيز الجال مامال جاله

هذاك ابونايف ندا الجود اياديه
روس ٍ عظيمه تكتسيها الجماله

من جاه في لازم بلاشك ينهيه
يمنى الكرم يمناه والمجد فاله

غلاه بقلوب ٍ تعزه وتغليه
رمزاً من رموز البلاد ورجاله

محمد بن خنين ياحي طاريه
والنعم به واهله عمام وخواله

ينهض كما شيهان في كل عاليه
الكون مدهاله وكل الفضاء له

ابوه قبله وافي ٍ في مباديه
ورث شيوخ في سمانا وهاله

الشعر به يزهى بنظمه وقافيه
من مده الهايج وبوح الجزاله

ماخاب من ينصى محمد ويلفيه
دامه مميل بالطلاقه عقاله

صميدعٍ من ندر الشعر نهديه
ونرفع له البيضاء على كل طاله

ندعي له الرحمن ربي ونرجيه
الهنا المعبود رب الجلاله

يسعده ويعلي مقامه ويغليه
ويعيش متهني وفي خير حاله