يامرحبا يا ضيفنا وانت منا
من مده نرقبك و الله يحيك
جانا وحل الخير واشرق فرحنا
حفيدي الغالي و ربي يعافيك
انت وابوك عزاز وانتم سندنا
الله يبارك فيك و الله يحميك
يامرحبا على الكييف هيل (ن) وبنا
يامرحبا ياعدي واشر بياديك
من بعدها بوصيك واسمع وطعنا
خلك على منهاج ربك ينجيك
والوالدين اعطيهم الي تمنا
خلك في طاعتهم وخفض جناحيك
وخلك حسين اخلاق من دون منا
حسن الخلق ميزه عظيمه تبديك
وشاور حكيم الراي منا ومنا
واحذر تبين سر نفسك وطاريك
واحذر عدوك لو ضحكلك بسنا
معادي الجدان لازم يعاديك
خويك اسلاحك يمثل شرفنا
لا تتركه لحظه وقربه ليديك
ومن دون دينك لو بتهلك وتفنا
دوس المخاطر والحذر ما ينجيك
اما شهيد( ن) ولا ربك نصرنا
وحده من الثنتين عز يباريك
واحفظ حقوق الجار واجبه منا
لا تبادله بشر لو كان يرميك
ورافق قوي الدين تامن وتهنا
وحذر ترافق رفقه السو حذاريك
والضيف رحبه و سهل و ثنا
الضيف ضيف الله وربك يجازيك
ترى الكرم منهاجنا وسلم هلنا
وحنا هل الطولات من دون تشكيك
وحنا هل الامجاد لا نشد عنا
الازد ربعك و التواريخ تكفيك
اتصار دين الله و ربك نصرنا
وفي طيبه الاسلام تاريخ يشفيك
واسلك دروب المرجله يا ولدنا
يزيد نوماسك و تقهر معاديك
والله يحفظكم و يحفظ بلدنا
ويمد في عمرك سنين ويبقيك
وصلو على محمد نبيآ جمعنا
على كتاب الله شرعآ ينجيك
شعر اللواء /
فايز بن عبد العزيز بن مارد الاسمري
