الله يديم اهل الوفاء والعوايد
ان جوك عز ، ورحت في دارهم عز
من جاب طاريهم يجيب الفوايد
واللي يخاويهم يشرَّف ويعتز
وفي مجالسهم علوم ٍ جدايد
منها لبيب العقل يعجب ويهتز
وان لك طلب ياجي مكمل وزايد
لابد مطلوبك يُكمّل وينجز
في صمتهم هيبه تقص الحدايد
وكلامهم يطرب له القلب ويفز
وغيابهم يبقى مشقه وكايد
وحضورهم رايه على الريع ترتز
ما احتاج يآل ريفان ننشد نشايد
الاسم للطيبه وللمدح يرمز
تجود فيكم طيبات القصايد
والشعر في غير المطاليق يشمز
احمد بن عائض الحسيني
التعليقات 1
ابو عبدالله
الأربعاء _11 _أبريل _2018AH 11-4-2018AD في 9:47 ص[3] رابط التعليق
صح لسانه وبيض الله وجهه
ويستاهلون آل ريفان المدح
قصيدة 👍🏻